'

بدات قصتي و حبــي للأناشيــد .. بصف ثالث ثانوي [على ان هالسنة مركزة على الأجتهاد والمذاكرة
للحصول على نسبة عالية !!] الا اني انا صارتلي مغامراات ومعاااااناة بهالسنه "مليئهـ بالأحداث"
ومن ضمن احداثها "سر ادماني للأناشيد "!!ـ
اممم بداية انا انتقلت من مدرستي الحكومية لمدرسة اهلية ! اول اسبوع متأقلمت ابد ! اروح واجي وانا
ابكي [كـمكان جديد علي وماعرف احد فيه! وفارقت صديقاتي !!] المهم مع الأيام مشي الوضع
وانسجمت مع فصلي والمدرسه كلها [وكان هدفي الرئيسي اني ماجيت هنا الا عشان احصل نسبه] وهذا
السبب اللي دفعني اكمل مشــواري بكل سهولة ولله الحمد ..ـ
المهم مــر اول ترم بشكل حلوو وجبت نسبة نوعا ما عالـ 94ــية .. واخذنا إجازة عيد الأضحى وصار حدث قلب حياتي وزاد تقصيري !!! اللي هو زواج اختي اللي اكبر مني وهي مو بس اختي كنت اعتبرها "الأم الروحية " لي.. كنت معتمدة عليها بكل حياتي! من كنت بيبي الين ماكبرت وتعلقت فيها.. [يووه هنا يطول الكلام عنها بكتبلها بوست كامل فيها*_^] .. المهم انا عانيت من فقدانها بحياتي .. ورجعنا للمدرسة وتأزمت نفسيتي حييل وقل مستواي بالمدرسة ! وحتى ما أبالغ لو اقول ان صحتي تدهورت ونفسيتي تعبت كان لا ليلي ليل ولا نهاري نهااار<<< ذا عشق والعياذ بالله خخخخ... لا والله جد يعني صعب لمن تفقد شخص كان كل شي بحياتكـ وكنت معتمد عليه بكل صغيرة وكبيرة [جد صعب !!]... المهم مر الترم مابين تقصير ومابين خوف ورعب [اصلا هي كلها ثالث كانت رعب بالنسبه لي] المهم عشان ما اخوض بالتفاصيل الدقيقة وانسى الحدث اللي من شانه كتبت هالبوست..الأناشيد طبعاً من بعد معاناتي والأحداث اللي صارت .. كانت عندنا أبلة "مدرسة لغة عربية" هذي الأستاذة
كانت شبيهه لأختي بكل شي من تخصصها وشكلها وروحها وكلو "فانا حبيتها وكنت اشوف فيها اختي اللي
راحت عني " وهذي الأستاذه كانت تحب الأناشيد وكانت تشغّلنا بعض الاشرطة ..وانا مو ماكنت اسمع
اناشيد من قبل ! الا كنت اسمع بس ما اذكر شي من اللي سمعته بصراحه ! لكن هذيك السنه ادمنت الأناشيد
ماتصدقون لو اقولكم اني طول الوقت المسجل بيدي والهيدفون باذني واسمع وكنت بجو خاص لمن اسمع
يعني كنت اجلس بغرفة لحالي واطفي النور واجلس لوحدي مع اشرطتي واناشيدي ودموعي <<< يعني اللي يسمعني مايقول وحده بثالث وذبحتها المذاكرة !! بس شسوي جاتني حالة غريبة ! وكنت ماخلي شريط مااسمعهـ !! فاكرين سلسلة نداء وحداء كانت اغلبها عن
الجهاد والحرب ييييييييييييوه ادمنتها حبيتها كانت تعيشني بجوووو حزييين"اعشقهم هالفرقة اصواتهم تهبل ماشااءلله تبارك الله !! وكان عندي شريط ثاني والله اني ناسيته اصلا مدري وينه ضااااع دورت عليه كثيييير مالقيته !!كان فيه انشودة اودعكم وفي قلبي لهيباً ) اعتقد كذا! ناسية حتى كلماتها بس اذكر لحنها مزبووط يعني )
لو فيه مجال تسمعوني خخخخ علمتكم فيها ! يوه ياهذيك الأنشودة عذااب اللي يبي يتعذب ويبكي ويستلذ
بالدموع مثلي يسمعها :'( بليز اللي يعرفها وعنده يسوي فيني خير ويعطيني اياها لانه حتى بالنت
دورتها مالقيتهااااااا !! وكان فيه بعد شريط ابوعلي وابو مهند [تلاقينا] وااااوز يهبل هالشريط ..هذا بعد الشريط له قصة كانت مدرستي بتسوي لنا حفلة تخرج وكنا نخطط مع الأبلات شنو بنسوي وكذا
يعني ! المهم اني مخططه بعطي ابلتي هذا الشريط تلاقينا "لانه هالانشودة حلوه وتناسب الحفله,, تلاقينا
على خير وكنا دليل للهدى زمن الظلال ....الخ" وكنت ناويه اعطيه ابلتي واهديها هالشريط
بس كان فيني تردد وخجل منعني اعطيها الشريط ! وصدف سبحان الله انها شغلت انشودة تلاقينا بالحفلة وطلعت تعرفه الشريط !بس ماعليكم ترى تشجعت ورحت واعطيتها الشريط "كــذكرى مني "ـ

بصراحه كانت أيــام ماتنسي بحياتي .. حبيت هالأناشيد وإلــى الأن عالقة بذهني هي واحداثها..

اوكي .. الحين بحطلكم باقة من أناشيدي
وعسى تعجبكمــ

*للإستماع اضغط على الصورة*

للتحميـــل

للتحميـــل

للتحميـــل

للتحميــــل

للتحميــــل

للتحميــــل

للتحميـــــل

للتحميـــــل

للتحميـــــل

للتحميـــــل

للتحميـــــل

للتحميــــــل

وهذي بعض الأناشيد مؤخراً حبيتها

للتحميــــل

للتحميـــــل


للتحميــــل

للتحميــــل


للتحميـــــل

للتحميـــــل

واخيراً .. ختامها مسكـ مع "كل غلاتي" الأقرب لنفسي وقلبي احبهاااا

واتمنى تعجبكم باقتي الأنشادية وتستمتعون فيها .. وطبعاً القائمة تطووول عندي !!ـ

لكن انا اخترت لكم الأحب لقلبي

لكم حبــي