!! آخر سمكة في حياتي

تقريباً قبل عام من شهر فبراير 2006 دخلت حياتي

سمكتين حبيتهم حييييل ..واهتميت فيهم اكثر من نفسي "من زود حماسي " طبعاً

المهمــ .. مرت الأيام ونجو فرحانهـ فيهم!! لدرجة اذكر مره من زود حرصي شلتهم من غرفتنا انا واختي لانها كانت "موت باردة" مايطفي المكيف ابداً! وخفت عليهم من البرد !! وحطيتهم بغرفة ادفىْ !! شافتني اختي وقالت يؤ الله لا تبلانا بس ترى هذا يسمونهـ سمك زينهـ.. يعني اهتمي فيه صح ! بس خليه يزين غرفتنا هع قلتها اي تيب(كأني تهزأت بس مشيت حالي هههه)ـ

طبعاً غيرت الحوض وزينتهـ وكشخته .. وما حصل اني صورتهـ او اني مصورتهن بجوالي وحذفتهن ناسيهـ ماعلينا

ما انكر اني طفشت بعدين من كثر ما اغير المويه واحط اكل ! بس شسوي حبيتهم واتحمل ...

اذكر كمان

انه بنت اختي شافتهم وحبتهم وقالت لامها ابي مثلهم وفعلاً اشترت سمك وانتقلت العدوهـ بين كل اطفال عيلتنا "موسم سمك"صار عندنا

والمشكله انه اهاليهم طفشوا منهم وصاروا يدعون علي اني انا سبب هالعدوى!! كأني انا اللي اخترعت شي اسمة "تربية سمك" ماكأنهمن زماااان !! واللي يقهر انه انا محد يقلدني بالحياة غير "الاطفال" مدري ليه ؟؟

ومـره جا فبالي اني اهدي صديقتي سمك [كان يدعيلي محل السمك هذيك الأيام خخخخ]وفعلاً اشتريت لها سمك وزرتها وفرحت فيه كثييير وانبسطت فيه

وعدت الأيــام مع سمكاتي الحلوين وتعلقت فيهم من قلب .. وجا اليوم اللي كلنا بنمر فيه "ربي ترحمنا" وماتت وحدهـ فيهم

!! بشهر مارس من عام 2007 -طولت عندي :( ماشااءلله.. حزنت عليها حييييييل .. مهما كان تظل روح

!!لا تضحكوا على خطي بس من الدموع ماكتبت زين كفاية اهلي ماتوا ضحك علي

وبعدها بفترهـ ماتت الثانية ماقدرت تتحمل فراق صديقتها :( وجلست فتـــرة بدون سمكـ !!ـ

انــا بعد ماقدرت اتحمل منظر غرفتي بدون سمك ورحت واشتريت ثاني <<< حلا هو لوول

المهمـ اخترت برضوا ثنتين..وحده شكلها غير والثانية نفس القديمة الاورنجية

السوداء كانت إختيار اختي .. مره خطيرة فرفوشة بس تتحرك وتتنطط وشكلها يوحي بالإفتراس بس كانت حبوبة "حبيتها

وجلسوا فترة يمكن اسبوعين إلا الاورنجيه تلقط انفاسها الأخيرهـ شكلها ما تأقلمت مع السودا !! او انا قل اهتمامي بصراحهـ "كنت اطول ماأغير الموية " مو عن شي بس انشغل وكذا !! او يمكن يومهااا :( وهو الأكيد

يحزن شكلها هنـااا !! كأنها ماتت مقهورهـ الله يرحمها بس

وجلست السودا وحيدهـ "ولا جبت لها صديقه تونسها " انشغلت وخفت تموت !! :( واحس بذنب

وجلست تقريباً 6 شهــور واعترف اني اهملتها شوي ربي يسامحني ان شاءالله .. لانه ماكان احد يساعدني واذا انا نسيت محد فكر فيها!!!

وقبل يومين جا يومها و ودعتني حزنت اكثر عليها

كان شكلها يقطع القلب .. لانها جلست يوم كامل وهي مابين الحياة والموت !! احترت معها غيرت الموية اكثر من مره! ولانفع فيها

تلقط انفاسها حسيت وقتها مابيدي شي !! نفسي اساعدها ماني قادره !!!! وخليتها كذا تنازع وترحمت عليها

واللي حزنـي اكثر انهاا كانت ... آخر سمكة في حياتي

..

يمكن ارجـع واكرر العـادهـ واشتري ثاني محد يدري

امم اتمنى "حبيتوا سمكاتي" مثــل ماحبيتهمـ

و لكمـ تقديري

وهـل يـجدي بكــأي ..!؟

.

بكيت وبكيت وهل يجدي بكــأي !!؟
... لا أتقن لغة سوى " دموعي" لتعبر ما بداخلي
أمنيتي أن أفعل شيئاً غير الدموعـ !! لعلها تطفي مابداخلي من " الآم و حرقة " لكن كما أخبرتكمـ دموعي دائماً ,, تسبقني من أن أفعل أو افكر بعمل شىء...؟

!..ولا أتوقف عن البكاء فتظل دموعي تحرقني وتمنعني من التعبير أو التفكير حتى

.. هذا ماحصل معي عندما قرأت موضوع الحبيب " ناجي" رحمه الله, بمدونة أيــام وسبق وان قرأتها بمدونة سلطان
!!!.. توقف كل تفكيري وبقيت أبكي وأبكي
!!لا أعلم ماذا أقول ولا أعلم لماذا بدأت بكتابة هذا البوست !؟! مع أني كنت مقررهـ أن أكتب موقف حصل لي وموضوع مختلف تماماً
...لكن دموعي شلت كل تفكيري عندما قرأت خبر وفاة ناجي "رحمة الله عليه" لا ينفعه بكأي ولا كلامي

ذهب لدار خالدهـ ان شاء الله لا تعرف الدموع.. ذهب و تركنا نواجهـ مصيرنا مع الدموع
!!..آآآه يا ناجي لطالما بكيت ونزلت دموعي على أقل الأمـور !! لكن والله ما أحسست بحرقتها ولهيبها إلا بخبر وفاتك
.. ولكن سيظل قلبي يردد لك "أطهر الدعوات" لعلها هي الشي الوحيد أستطيع تقديمهـ لك ولغيركــ

[اللهم أرحم موتنا وموتى المسلمين وأشفي مرضنا ومرضى المسلمين.. اللهم آمين]

*إضغط ع الصـورة لرؤيتها بحجمها الطبيعي*

دمتمـ بخير

ثــوبي الجـديــد

يسعد صبـاحكمــ و مسائـكــمـ

ٍبــدايـــة

ابــارك لنفسي " بالثوب الجديد" للمدونة وإن شاءالله ارتاح نفسياً فيه

لانه القديم كان حلو و عاجبني بس ما أرتحت فيه!! احسه " حوسه " مو مرتب!! وانا يهمني الترتيب

من يومني وانا مرتبة حتى دفاتري
احب ارتبها واسطرها ايام المطرسة

المهم مالكم بالطويلهـ

طبعاً بعد عناء جبت هالثوب ولبسته .. والله يجزى كل من ساعدني الخيــر ماقصروا

عموما كلو تمااامز الستايل ماعليه الا شي واحد !!؟ قاهرني وذابحني

انا ما راح اقوله وشو!!! لانه احتمال ماتنتبهووون ! لكن اللي يلاحظ ويعرفه يقــولي

ولــه مدونتي كلهااا حتى اسمي هع <<< الله من النصب

ما تلاحظون انه غير أنــا بهالساعه 9 ونص صباحاً اهذر الكــل اللي بالمحاضــرة واللي بالدوامـ واللي بالفصــل .. ... واللي نااايمــ

انا كل يوم ازود ساعتين .. الله المستعان !!! هذا بس لاني فاقدهـ لـي كم يومـ

ياقلبوو واااحشتنــي حيل wishes صقيقتي الصدوقه

تستعــد للكليــة ماهي فاضيتلي الله يوفقهاا يارب

اوكي

هذي بس تدوينة "فضفضه" من الفضـاوة والفرحة والقهر وكل شي

!! لكن لاتنســون اللغــز انتظــر الحلوولـ

دمتمـ بـود

لحظة الــوداع

" لحظة الوداع قاسية لو " تعودنا عليها

اممم اليوم اختي سافرت و ودعتنا :( كالعادهـ منذ عشر سنوات تقريباً .. وفي كل نهاية إجــازة "نودعها"وفي كل مره

!!! تظل هاللحظة نفسها بأول يوم سافرت فية

!! اختي تسكن بمنطقة تبعد عن منتطقتنا حوالي الف كيلو !!!عشان العمـــل هناكــ

:) كل إجازه تقريباً .. تجي عندنا !! نفرح فيها وتنبسط ويانا ونكون مشتااااقين حيل لبعض

"تمر الأيام ... و تنتهي الإجازة .. وتجي لحظة الوداع " ما أقساها من لحظة

!! الكل يسلم والدمعة بعينة :'( .. كأنه اول يوم لها تسافر و تبعد عنا فيه

"لكن الإحساســ "مايعرف شي اسمه تعود" !! بيظل نفس الإحساســ كل مره ! ويمكن "يزيد

!!! : ( يالله .. شي متعب

[ ..ليت ربي ماكتب لحظة وداع .. ولا فراق ولا دموع ولا ضياع ..]

.

.

"الحمد للهـ على كــل حــال"

.

.

.

قبل كل شي ... و من اعماق قلبي

" اللهم لكـ الحمد على كل حــال "

!! رغم ما اشعر به من فراغ قاتـل ... ووحدهـ مميتهـ

!! رغمــ الملل الذي اصبح يلازمني مثل ظلي

!! رغم "كلمة طفش" التي يرددها لساني لا ارادياً

واصبحت حياتي " بلا هدف " واصبح وجودي " مثل عدمه"ـ

!! وانعكست الموازين عندي ..!! فا اصبح نومي نهاراً وصحوتي ليلاً

تلاشى النظام , والترتيب في قوانين حياتي !! اصبح كل شي سائب !!وبلا هدف

!!! اصبت بمرض " الكســل" !!! واصبح " تأجيل الأمور" من اولوياتي

اهملت الكثــير من اهتماماتي وهواياتي !! اهملتها تحت شعار " بعدين بعدين "ـ

!!!لا اعلم لماذا ..؟

!! ايمكن لانه لايوجد شي يقيدني مثل ( الدراسه , العمل ...) ام انه اهمال مني ولا عرفت استغلال وقتي

..مع ان الكثيــر يحسدون غيرهمـ على نعمتان ( الفراغ والصحة) كما قال النبي علية افضل الصلاة والتسليم

... لكـــن

حين بزغ نجم هذا "العالم الصغير" في سماء كوني
:) اصبحت حياتي ملونة بالوان السرور والفرح .. اصبحت حياتي لها طعم آخر

...لذا اعدكــم واعد نفسي ... بإن ازيـل كل ظلاماً حولي .. !!! وابحر بهذا العالم و اجعله بذرة تنمو يوما بعد يوماً
:) وسوف اردد بعـــالي صوتي " ما اجمل الحياة عندما نشغلها بشي مفيد"

" الحمد لله على كــل حال "

عيــدكــم سعيــد

كـل عــام و الجميع بخيــر

كل عيــد و الجميع بصحه و سلامهـ

صحيح ان للعيد فرحة غير وطعم آخر

إلا

!! انه الحين تغير كل شي

صار تقريباً يوم يمر مثل أي يوم " عادي" يمكن فيه ناس

لسه تمارس بعض تقاليد العيد قبل ( بس يظل مو زي زمااان)ـ

عموماً بيظل العيد فرحة :D

ووناسة

و

عيدكم مبارك

وينعاد علينا و عليكم بالخير يارب

<<< بعد ايش بعد ماسديتي نفوسهم :D

احم

طبعاً بهالمناسبه احب اشكر

حبيبة قلبي " كاميليا" على تصميمها بطاقة العيد

مع اني كنت ناويه و( ياكثر ماانوي انا ) اني اصمم

:( بس الكسل ربي لايبلاكم فيه ويشفايني منه

:Dكثير كثيييير حاجات مأجلتها لاجل غير مسمى :/ الله المستعان ويفتح على قلبي

استنااانسوا بالعيد ماوصيكم ولاتكثروا حلاو

:D

سي يوو

(F)